Փորձագետ. Պալմիրայի գրավումը`ԻՊ–ի ժամանակավոր հաջողությունն է

Սիրիական բանակը, նահանջելով Պալմիրայից, տարհանել է բնակիչների 80%-ին: Այդ մասին հայտարարել է Հոմսի նահանգապետ, որի կազմում է քաղաքը, Թալյալ ալ Բարազին, հայտնում է ՏԱՍՍ-ը։

Նահանգապետը հայտնել է, որ Սիրիայի ԶՈւ հրամանատարությունն ի դեմս հակառակորդի գերակա ուժերի, որոշում է կայացրել դուրս բերել զորքերը քաղաքից: «Դա արվել է միայն խաղաղ բնակիչների տարհանումից հետո»,-ասել է նա:

Նահանգապետը նաև մտահոգություն է հայտնել Պալմիրայում մնացած խաղաղ բնակչության ճակատագրի վերաբերյալ, որոնց «Իսլամական պետության» ահաբեկիչները կարող են որպես կենդանի վահան օգտագործել:

Ըստ Ալ Բարազիի, սիրիական բանակն ու աշխարհազորայինները «կատաղի մարտեր են վարում ԻՊ ավազակախմբերի հետ, որոնք նորից գրավել են Պալմիրան, սակայն Հոմսի գրավումը հավանական չէ»: Նա հավելել է, որ Պալմիրայի գրավումը ԻՊ զինյալների կողմից «ավազակախմբերի ու ահաբեկիչների ժամանակավոր հաջողությունն է»:

«Իսլամական պետությունը» նոր ստորաբաժանումներ է մոտեցրել Պալմիրային` մոտ 5000 գրոհային տեղափոխելով Ռաքքայից, Դեր Զորից ու հարևան Իրաքից:

Ահաբեկիչները կարողացել են գրավել Պալմիրան, քանի որ Սիրիայի կառավարական ուժերի ու Մոսկվայի հիմնական ուշադրությունը կենտրոնացել է Հալեպում։ Սակայն սիրիական ուժերը ռուսական զինվորականների աջակցությամբ կարճ ժամանակահատվածում կազատագրեն այդ քաղաքը։ Այդ մասին հայտարել է փորձագետ Ալեքսանդր Միխայլենկոն։

Ըստ նրա, ԻՊ–ը կարողացել է օգտվել հումանիտար դադարներից ու այն հանգամանքից, որ հիմնական ուշադրությունը կենտրոնացած էր Հապելի շուրջ, փոխանցում է "Интерфакс"–ը։

Նրա խոսքով, Հալեպի ազատագրումից հետո Սիրիայի կառավարական ուժերն ավելի շատ հնարավորություններ կունենան կենտոնացնելու ուժերը Պալմիրայի ազատագրման համար։