Փորձագետ. Ղարաբաղյան հակամարտության հարցում Իրանը մնալու է Հայաստանի կողքին

ԱՄՆ–ը արդեն հայտարարել է, որ Սիրիան պետք է մնա միասնական պետություն, սակայն Վաշինտգտոնը պետք է համաձայնվի Սիրիայի որոշակի ֆեդերալացմանը։ Դեռևս պարզ չէ, թե ինչպես տեղի կունենա Սիրիայի ֆրագմենտացիան։ Այդ մասին հայտարարել է Մերձավորարևելյան քաղաքականության վաշինգտոնյան ինստիտուտի փորձագետ Դևիդ Փոլոկը։

Նա նշել է, որ ԱՄՆ–ն այժմ շատ է զգուշանում Մերձավոր Արևելքում նոր ռազմական հակամարատությունների ծագմամբ և այդ հարցում նրանք պատրաստ են համաձայնվել Իրանի դիրքորոշման հետ։ Սակայն Իրանը հայտարարում է այդ պետությունների միասնականության պահպանման մասին, ինչը շատ քիչ է խաղաղ համագոյակցման համար, փոխանցում է minval.az–ը։

«Քիչ թե շատ հասկանալի է Իրանի քաղաքականությունը Հարավային Կովկասում, առաջին հերթին հայ–ադրբեջանական հակամարտության հետ կապված։ Իրանը կփորձի պահպանել հավասարակշռված դիրքորոշումը`աջակցել ՀՀ–ին և Ադրբեջանին, սակայն ավելի շատ՝ Իրանը կլինի Հայաստանի կողքին»,–հավելել է նա։