Փորձագետ. Չավուշօղլուն Բաքվում քննարկելու է ղարաբաղյան հարցն ու էներգետիկ համագործակցությունը

Դեկտեմբերի 3-ին Թուրքիայի ԱԳ նախարար Մևլութ Չավուշօղլուն Ադրբեջանի ԱԳ նախարար Էլմար Մամեդյարովի հրավերով կայցելի Ադրբեջան։

Միջազգային ռազմավարական հետազոտությունների թուրքական կենտրոնի նախագահ Մեհմեթ Էմին Էրենդորը հայտարարել է, որ Բաքու այցի ընթացքում Չավուշօղլուն քննարկելու է երկկողմ հարաբերությունները, ինչպես նաև ղարաբաղյան հակամարտությունը, փոխանցում է vesti.az–ը։

Ըստ նրա, քննակվելու են նաև FETÖ ահաբեկչական կազմակերպության, Ադրբեջանի հետ էներգետիկ համագործակցություն ու ռուս–թուրքական հարաբերություններին առնչվող հարցերը։

Փորձագետը հավելել է, որ Ադրբեջանը զգալի ներդրում է ունեցել ՌԴ–ի ու Թուրքիայի հարաբերությունների կարգավորմանը։