29.03.2024
Թուրքիայի խորհրդարանը վավերացրել է ՌԴ հետ կնքած «Թուրքական հոսքի» համաձայնագիրը
prev Նախորդ նորություն

Նորություններ գործընկերներից

Վրաստանն արժանի է ԵՄ հետ վիզաների շուտափույթ չեղարկմանը․ Դոնալդ Տուսկ

Եվրախորհրդի ղեկավար Դոնալդ Տուսկի կարծիքով՝ Վրաստանն արժանի է, որպեսզի ԵՄ-ն ժամանակին որոշում կայացնի ԵՄ հետ Վրաստանի անվիզա ռեժիմի մասին։ Այս մասին նա հայտարարել է Վրաստանի վարչապետ Գեորգի Կվիրիկաշվիլու հետ հանդիպումից հետո, հայտնում է «ՌԻԱ Նովոստին»։

«Ինչ վերաբերում է անվիզա ուղեւորություններին, ապա ԵՄ բոլոր անդամ երկրները հոկտեմբերին հաստատել են, որ Վրաստանը կատարել է բոլոր պահանջները։ Հիմա մենք աշխատում ենք, որ հնարավորինս շուտ համաձայնեցնենք անվիզա ռեժիմի գործողության դադարեցման մասին պահանջվող մեխանիզմը, դա արդեն մեր ներքին խնդիրն է»,- ասել է Տուսկը լրագրողներին։

Նրա խոսքով՝ «Վրաստանն արժանի է այդ գործընթացի շուտափույթ ու դրական ավարտի»։

ԵՄ պետությունների ներկայացուցիչները ԵՄ խորհրդին տրամադրել են մանդատ ՝ Ուկրաինայի ու Վրաստանի քաղաքացիների համար մուտքի վիզաների չեղարկման մասին Եվրախորհրդարանի հետ բանակցությունների համար։ Ավելի վաղ նման մանդատ իր ներկայացուցիչներին տրամադրել էր նաեւ Եվրախորհրդարանը։

ԵՄ խորհուրդը պնդում է որ վիզային ռեժիմի ազատականացումը պետք է ուժի մեջ մտնի անվիզա ռեժիմի գործողության դադարեցման նոր մեխանիզմի հետ միաժամանակ։ Այս մեխանիզմը կարող է գործարկել Եվրահանձնաժողովը՝ իր սեփական հայեցողությամբ կամ էլ ԵՄ անդամներից մեկի պահանջով։ Եվրոպական լրատվամիջոցների տվյալներով, այս հարցում ԵՄ խորհուրդն ու Եվրախորհրդարանը որոշ տարաձայնություններ ունեն։
Փորձագետ. Չավուշօղլուն Բաքվում քննարկելու է ղարաբաղյան հարցն ու էներգետիկ համագործակցությունը
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար