Կրեմլն ակնկալում է, որ և՛ Փաշինյանը, և՛ Ալիևը մայիսի 25-ին կլինեն Մոսկվայում

Ռուսաստանի Դաշնության նախագահի մամուլի քարտուղար Դմիտրի Պեսկովը մեկնաբանել է մայիսի 25-ին Մոսկվայում Ռուսաստանի Դաշնության, Ադրբեջանի և Հայաստանի ղեկավարների եռակողմ հանդիպման անցկացման հնարավորությունը։

«Հաջորդ շաբաթ, մենք իսկապես, զբաղվելու ենք եվրասիական ինտեգրման հարցերով: Տեղի կունենան նաեւ Եվրասիական տնտեսական համաժողովը եւ Եվրասիական տնտեսական բարձրագույն խորհրդի նիստը։ Մենք ակնկալում ենք, որ եւ՛ նախագահ Ալիեւը, եւ՛ վարչապետ Փաշինյանը կլինեն Մոսկվայում»,- ասել է Պեսկովը։

Ինչպես ավելի վաղ հայտնել էր VERELQ-ը, Հայաստանի վարչապետ Նիկոլ Փաշինյանը հայտարարել էր, որ մայիսի 25-ին Մոսկվայում մասնակցելու է Ռուսաստանի, Ադրբեջանի և Հայաստանի ղեկավարների եռակողմ հանդիպմանը։