Հայաստանը պետք է ավելի հավակնոտ լինի Չինաստանի հետ հարաբերություններում: Այս մասին ասուլիսի ժամանակ հայտարարեց ՀՀ վարչապետ Նիկոլ Փաշինյանը: Նա տեղեկացրեց, որ առաջիկայում ծրագրում է այցելել Չինաստան, որտեղ կհանդիպի այդ երկրի նախագահի և վարչապետի հետ: «Այդ այցը լավ առիթ է, որպեսզի նոր խթան հաղորդենք հայ-չինական հարաբերություններին»,- ասաց վարչապետը: Նա նաև տեղեկացրեց, որ Հայաստանը կմասնակցի «Ասիական քաղաքակրթություն» ֆորումին:
