Արցախի նախկին նախագահ Արայիկ Հարությունյանը ներառվել է ուկրաինական «Миротворец» բազայի մեջ: Ըստ ուկրաինական լրատվամիջոցների՝ Հարությունյանը մեղսակից է ճանաչվել «Ուկրաինայի և նրա քաղաքացիների դեմ Ռուսաստանի կառավարության հանցագործություններին՝ Ռուսաստանի արտաքին քաղաքականությանը և Դոնեցկի և Լուգանսկի Ժողովրդական Հանրապետությունների ինքնահռչակման որոշումներին բացահայտ աջակցության պատճառով»։ Հիշեցնենք, Արայիկ Հարությունյանը Արցախի նախագահն է եղել 2020 թվականի մայիսի 21-ից մինչև 2023 թվականի օգոստոսի 31-ը։ Հրաժարականից հետո հանրապետության խորհրդարանը նախագահ ընտրեց նախկին պետնախարար Սամվել Շախրամանյանին։
