28.03.2024
Թոշակառուներն ու հաշմանդամություն ունեցող անձինք պետական թատրոններ կայցելեն անվճար
10.02.2020
Թոշակառուներն ու հաշմանդամություն ունեցող անձինք պետական թատրոններ կայցելեն անվճար

Հաշմանդամություն ունեցող անձանց և կենսաթոշակառուների մշակութային առօրյան, կյանքն ակտիվացնելու  համար ՀՀ Աշխատանքի և սոցիալական հարցերի նախարար Զարուհի Բաթոյանի ու Կրթության, գիտության, սպորտի և մշակույթի նախարար Արայիկ Հարությունյանի միջև ստորագրվել է կարևոր հուշագիր, որը քաղաքացիներին տարվա կտրվածքով շուրջ 48 թատերական ներկայացման և գրեթ ամեն օր՝ թանգարաններ անվճար հաճախելու հնարավորություն կտա:Կարգի համաձայն՝ կենսաթոշակառուներին և հաշմանդամություն ունեցող անձանց անվճար տոմսեր կտրամադրվեն ԿԳՍՄ նախարարության ենթակայությամբ գործող թատերական կազմակերպությունների կողմից պետական աջակցությամբ իրականացվող մշակութային միջոցառումներին մասնակցելու, ինչպես նաև թանգարաններ այցելելու համար:Նախարար Բաթոյանը նշել է, որ սա կարևոր նախաձեռնություն է ոչ միայն ֆինանսական հասանելիության տեսանկյունից, այլև կարող է խթան հանդիսանալ՝ մշակութային օջախների ֆիզիկական և բովանդակայինմատչելիության ապահովման համար:Ստորագրված կարգի համաձայն՝ յուրաքանչյուր կենսաթոշակառու կարող է անվճար այցելել յուրաքանչյուր թատերական կազմակերպություն՝ տարեկան 3 անգամ, և թանգարաններ՝ ամիսը 2 անգամ: Անվճար տոմսերկեսաթոշակառուներին տրամադրվում են մինչև միջոցառման սկսվելը՝ առնվազն 24 ժամ առաջ, իսկ թանգարանների պարագայում՝ կեսաթոշակառուի այցելության պահին: Կարգի համաձայն՝ յուրաքանչյուր թատերական կազմակերպություն յուրաքանչյուր միջոցառման համար ինքն է որոշում անվճար տրամադրվող տոմսերի քանակը, որը կարող է տատանվել դահլիճի տեղերի 2,5-5 %-իսահմաններում: Տոմսերը կտրամադրվեն անձամբ կենսաթոշակառուին՝ կենսաթոշակառու լինելու հանգամանքը հավաստող փաստաթղթի և անձնագրի առկայության դեպքում  Տրամադրված անվճար տոմսը այլ անձի փոխանցել չի թույլատրվում:

Նորություններ գործընկերներից