Ուկրաինայում սկսվում է ռուսական ռազմական հատուկ գործողության հաջորդ փուլը, India Today-ին տված հարցազրույցում ասել է արտգործնախարար Սերգեյ Լավրովը։ «Արևելյան Ուկրաինայում օպերացիան ուղղված է, ինչպես արդեն հայտարարվել է, Դոնեցկի և Լուգանսկի հանրապետությունների ամբողջական ազատագրմանը: Այս գործողությունը կշարունակվի, հատուկ գործողության հաջորդ փուլն այժմ սկսվում է: Եվ, ինձ թվում է, սա կարեւոր պահ այս հատուկ գործողության ընթացքում»,- ասաց նախարարը։ Նա ընդգծել է, որ ճգնաժամը կարող էր վաղուց լուծվել, եթե Ուկրաինայի նախագահ Վլադիմիր Զելենսկին համագործակցեր և ձգտեր իրականացնել Մինսկի պայմանավորվածությունները։ Միաժամանակ «Արևմուտքը դավաճանեց Զելենսկին»՝ օգտագործելով նրան Ռուսաստանի դեմ։ Մոսկվան Ստամբուլի հանդիպումից անմիջապես հետո փոխել է «Ուկրաինայում ռազմական ներկայության կոնֆիգուրացիան», շարունակել է Լավրովը։ «Մենք ասացինք, որ քանի որ կարծում ենք, որ նրանք քննարկման են ներկայացրել այն, ինչը կարող է հիմք հանդիսանալ համաձայնագրի համար, մենք, որպես բարի կամքի ժեստ, փոխեցինք կոնֆիգուրացիան Չեռնիգովի և Կիևի շրջաններում, սակայն, գիտեք, դա չգնահատվեց, փոխարենը բեմադրություն է տեղի ունեցել Բուչայում»,- նշել է ԱԳՆ ղեկավարը։ Փետրվարի 24-ին Ռուսաստանը հատուկ ռազմական գործողություն է սկսել Ուկրաինայի ապառազմականացման և ապազգայնացման համար։ Նախագահ Վլադիմիր Պուտինի խոսքով՝ դրա նպատակն է «պաշտպանել մարդկանց, ովքեր ութ տարի շարունակ ենթարկվել են Կիևի ռեժիմի կողմից բռնության և ցեղասպանության»։ Ինչպես հայտարարել են ՊՆ-ում, զինված ուժերը հարվածներ են հասցնում միայն ռազմական ենթակառուցվածքին և ուկրաինական զորքերին և արդեն զգալիորեն կրճատել են Ուկրաինայի մարտական ​​ներուժը։ Ռուսական ռազմական գերատեսչությունում գործողության հիմնական խնդիրը կոչվել է Դոնբասի ազատագրում։