Ավելի քան 3 հազար բեռնատարներ սպասում են Վերին Լարս անցակետում

Ավելի քան 3 հազար բեռնատարներ սպասում են ռուս-վրացական սահմանով անցնելու Վերին Լարս անցակետում, հայտնում է Հյուսիսային Օսիայի ճանապարհային կառավարման կենտրոնը։

Գուդաուրի-Կոբի հատվածում երթևեկությունն արգելված է կցանքներով և կիսակցորդներով մեքենաների համար, հայտնում է Sputnik Գրուզիան։ Սահմանափակումներ են մտցվել ձյան և մերկասառույցի պատճառով։ Մյուս տեսակի տրանսպորտային միջոցների համար երթևեկությունն ազատ է։

Ռուսական կողմից Վրաստան մուտք գործելուն սպասում է ընդհանուր առմամբ 3276 բեռնատար։

Վրացական և ռուսական կողմից Վերին Լարս անցակետով մոտ 1,5 հազար հայկական բեռնատար է սպասում անցնելու, հայտնել է ՌԴ-ում ՀՀ դեսպանության մաքսային կցորդ Վահան Հակոբյանը։