Ավելի քան 28 հազար քաղաքացի ստացել է սոցիալական կրեդիտ՝ միջինը՝ 89 հազար դրամ. Փաշինյան

Հայաստանի 28 հազար 916 քաղաքացի, լրացնելով Համընդհանուր հայտարարագիր, արդեն ստացել է 2 միլիարդ 569 միլիոն դրամ սոցիալական կրեդիտ։ Այս մասին հայտնել է վարչապետ Նիկոլ Փաշինյանը՝ Facebook-ի իր էջում կատարած գրառմամբ։

Ըստ նրա՝ հունվարի 1-ից մինչ այսօր վերադարձի իրավունք ունեցող քաղաքացիների թիվն ավելացել է ևս 1551-ով, իսկ հատկացված գումարը՝ 132 միլիոն դրամով։ Մեկ շահառուին վերադարձված միջին գումարը կազմել է 89 հազար դրամ։

«Սոցիալական կրեդիտ» նախաձեռնությունը նպատակ ունի խթանել հարկային կարգապահությունը և ապահովել եկամուտների ավելի թափանցիկ հաշվետվողականություն՝ կառուցելով արդարացի սոցիալական համակարգ։