29.03.2024
ԼՂՀ ՊՆ. Հակառակորդը հրադադարի ռեժիմը խախտել է հրաձգային զինատեսակներից
prev Նախորդ նորություն

Նորություններ գործընկերներից

Ջոն Էվանս. Արցախը պետք է նստի բանակցային սեղանի շուրջ և ներկայացնի իր շահերը

Ժամանակն է, որ Արցախը նստի բանակցային սեղանի շուրջ և ներկայացնի իր շահերը։ Արցախը պետք է ունենա բանակցային գործընթացում մասնակցության իր չափաբաժինը: Այս մասին «Արցախպրես»-ի հետ զրույցում ասել է Հայաստանում ԱՄՆ նախկին դեսպան Ջոն Էվանսը:

Ամերիկացի դիվանագետի խոսքով, թեև ինքը ուղղակիորեն չի մասնակցում բանակցային գործընթացին, սակայն ուշադիր հետևում է դրան:

«Մեծ հարգանք ունեմ պարոն Ջեյմս Ուորլիքի նկատմամբ: Միշտ հետևում եմ բանակցություններին, որոնք վարում են իմ գործընկերները` այդ թվում նաև ՌԴ արտգործնախարար պարոն Լավրովը, ով միշտ շեշտում է, որ հիմնախնդիրը պետք է լուծվի խաղաղ ճանապարհով: Անձամբ ես այն կարծիքին եմ, որ Արցախի Հանրապետությունը պետք է արդեն բանակցային սեղանին շուրջ նստի` որպես անկախ պետություն և ներկայացնի իր շահերը: 1994 թվականին ստորագրված զինադադարի համաձայնագրի տակ Արցախը, որպես բանակցությունների լիարժեք կողմ, նույնպես դրել է իր ստորագրությունը»,- հիշեցրել է ամերիկացի դիվանագետը:

Էվանսը համոզմունք է հայտնել, որ ճիշտ ժամանակն է, որպեսզի Արցախը նույն ձևաչափով կրկին միանա բանակցային գործընթացին և ունենա մասնակցության իր բաժինը:
«Միայն այդ պարագայում կապահովվեն առաջընթացի պայմաններ»,- հավելել է նա:

Նշենք, որ Ջոն Էվանսն այս օրերին «Հայաստանի մանուկներ» հիմնադրամի հիմնադիր խորհրդի ատենապետ Կարո Արմենի հրավերով գտնվում է Արցախում: Այս հանգամանքը նյարդային տրամադրություններ է ստեղծել Ադրբեջանում: APA գործակալության հարցմանն ի պատասխան Ադրբեջանում ԱՄՆ դեսպանատնից հիշեցրել են, որ Էվանսը նախկին դեսպանն է , ուստիև Ղարաբաղում է որպես անհատ, ոչ թե որպես պաշտոնատար անձ:

Նշենք նաև, որ Ադրբեջանի ԱԳՆ-ից արդեն հայտնել են, որ Ջոն Էվանսի անունը ներառելու են «սև ցուցակում»:

Հայաստանի արժեթղթերի շուկան օտարերկրյա ներդրողների համար կդառնա առավել թափանցիկ ու պաշտպանված
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար