Հայաստանում կորոնավիրուսով վարակվելու 88 նոր դեպք է գրանցվել

Հայաստանում հունիսի 12-ին՝ ժամը 11:00-ի դրությամբ նոր կորոնավիրուսով վարակվելու 88 նոր դեպք է գրանցվել, վարակվածների ընդհանուր թիվը հասել է 223643 դեպքի: Այս մասին հայտնում են ՀՀ ԱՆ հիվանդությունների եւ վերահսկման եւ կանխարգելման ազգային կենտրոնից:

Ընդհանուր թեստերի թիվը կազմում է 1122295 վերջին մեկ օրում` 3542 նոր թեստավորում: Այսինքն՝ դրական է ախտորոշվել կատարված թեստերի 2,4 տոկոսը:

Փաստացի այս պահին բուժվում է 2950 պացիենտ. Մեկ օրում նվազել է 33-ով:

Վերջին տվյալներով ապաքինվել է 215118 անձ` վերջին մեկ օրում 120 անձ:

Նախորդ օրն արձանագրվել է մահվան 1 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 1093 է: