ԿԲ-ն վերջին երեք տարում առաջին անգամ բարձրացրել է վերաֆինանսավորման տոկոսադրույքը

Դեկտեմբերի 15-ի նիստում կենտրոնական բանկի խորհուրդը որոշել է բարձրացնել վերաֆինանսավորման տոկոսադրույքը 1 տոկոսային կետով՝ սահմանելով 5.25 տոկոս: Այս մասին հաղորդում են Հայաստանի կենտրոնական բանկի մամուլի ծառայությունից:

Նշվում է, որ Հայաստանի կենտրոնական բանկի կողմից տրամադրվող լոմբարդային ռեպոյի տոկոսադրույքը սահմանվել է 6.75 տոկոս, իսկ բանկերից ներգրավվող միջոցների տոկոսադրույքը` 3.75 տոկոս: