Հաջորդ տարվա սկզբին կընդունվեն Ընտրական օրենսգրքի լայնածավալ փոփոխություններ

Ընտրական օրենսգրքի ընդգրկուն փոփոխությունները շրջանառության մեջ կդրվեն տարեսկզբին, իսկ հաջորդ 1-2 ամիսներին դրանք կքննարկվեն խորհրդարանի լիագումար նիստում:

Այս մասին այսօր՝ դեկտեմբերի 11-ին, ԱԺ ճեպազրույցների ժամանակ հայտարարեց "Իմ քայլը" խմբակցության անդամ Համազասպ Դանիելյանը՝ կոչ անելով դա չկապել ներկայիս ներքաղաքական գործընթացների հետ։

Նրա խոսքով, ԸՕ-ում փոփոխությունների մշակման աշխատանքային խմբի ձեւավորումից հետո ընդունվել է աշխատանքների ժամանակացույցը։ «Ժամանակացույցը հաստատվել է դեռ 2019 թվականի հունիսին։ Սկզբնական փուլում ընդունվել են ՏԻՄ ընտրություններին վերաբերող փոփոխությունները, քանի որ սպասվում էին ընտրություններ, և այդ մասը դիտարկվում էր որպես հրատապ», - հայտարարեց նա։

Խորհրդարանական ընտրությունների գծով ուղղումները ևս մշակվել են, և նույնիսկ պանդեմիայի պայմաններում հաջողվել է հանրային քննարկումներ անցկացնել այդ փոփոխությունների շուրջ։ Դանիելյանի խոսքով՝ անցած ամռանը բոլոր խմբակցությունների եւ արտախորհրդարանական ուժերի ներկայացուցիչների մասնակցությամբ հանրային քննարկումներն տեղի են ունեցել առցանց ռեժիմով: Սեպտեմբերին այդ բոլոր գործընթացները սառեցվել էին հայտնի պատճառներով, ուստի աշխատանքների կատարումը մի փոքր ուշացումով է ընթանում։

Նա տեղեկացրել է, որ հաջորդ տարվա սկզբին ԸՕ-ում փոփոխություններ եւ լրացումներ կատարելու մասին օրինագիծը շրջանառության մեջ կդրվի եւ դրանից 1-2 ամիս հետո արդեն քննարկվել է լիագումար նիստում: