19.03.2024
Հայաստանի հումանիտար առաքելությունն ականազերծված տարածքները հանձնեց Սիրիային
prev Նախորդ նորություն

Նորություններ գործընկերներից

Ռուսաստանը ցանկանում է ընդլայնել ռազմաբազաները Սիրիայում

Մայիսի 29-ին Ռուսաստանի նախագահ Վլադմիր Պուտինը երկրի պաշտպանության և արտաքին գործերի նախարարություններին հանձնարարել է «Խմեյմիմ» ավիաբազայի և Տարտուսում տեղակայված նյութատեխնիկական ապահովման կայանի տարածքներն ընդլայնելու համար սկսել բանակցություններ Սիրիայի հետ։ Այս մասին հայտնում է «Ռազմինֆոն»:


ՌԴ նախագահի հանձնարարականը տեղադրված է կառավարության կայքում։ Տարածքների ընդլայնումը նաև վերավերում է Տարտուս նավահանգստի ջրային տարածքներին։ «Խմեյմիմ» ավիաբազան Սիրիայում գտնվում է համաձայն 2015 թվականի օգոստոսի 26-ի համաձայնագրի։ Այնուհետև նույն թվականի սեպտեմբերի 30-ին ՌԴ դաշնային խորհուրդը թույլատրեց ավիացիոն խմբի մասնակցությունը Սիրիայում մարտական գործողություններին։


Սիրիայում հաստատվելու սկզբնական ժամանակաշրջանում ավիաբազան զինված էր 34 միավոր ինքնաթիռով և 16 միավոր ուղղաթիռով։ Այս թիվը հետագայում բազմաթիվ անգամներ փոփոխվեց։


Տարտուսում տեղակայված է ՌԴ ռազմածովային ուժերի նյութատեխնիկական ապահովման կայանը։ Այն կազմավորվել է դեռևս ԽՍՀՄ գոյության տարիներին՝ 1971 թվականին՝ նպատակ ունենալով սպասարկելու այն ժամանակ գոյություն ունեցող ՌԴ ՌԾՈւ Միջերկրական նավախմբին։


Մինչև սիրիական պատերազմը Տարտուսում վերալիցքավորվում, փոքր վերանորոգումներ էին անցնում մեծամասամբ ռուսական քաղաքացիական նշանակության նավերը։ Սիրիայում քաղաքացիական պատերազմի սկսվելուց հետո Տարտուսի ՆՏԱԿ–ը սկսեց ընդունել Ռուսաստանից ուղևորված նավերին, որոնք մատակարարում էին հումանիտար օգնությունից մինչև զինտեխնիկա։

Հայ սակրավորները ականազերծել են 17471 քառակուսի մետր ականապատ տարածք Սիրիայում
Հաջորդ նորություն next