ԱՄՆ-ն $25 մլն կհատկացնի Հայաստանին՝ կորոնավիրուսի դեմ պայքարի համար

ԱՄՆ Պետքարտուղարությունը 25 միլիոն դոլար կհատկացնի Հայաստանին՝ կորոնավիրուսի դեմ պայքարի շրջանակում:

Ամերիկայի Հայ դատի հանձնախումբը (ANCA) պատասխան է ստացել ԱՄՆ պետքարտուղար Մայք Պոմպեոյին ուղղված նամակին, որում խնդրում էին նրան վերածրագրավորել առնվազն 25 միլիոն դոլար Հայաստանի օգնության փաթեթից՝ որպես COVID-19 համաճարակի դեմ պայքարի օգնություն:

Դրական որոշմամբ պատասխանը ստորագրել է Կովկասի և Արևելյան Եվրոպայի հարցերով պետքարտուղարի օգնականի տեղակալ Ջորջ Քենթը:

Հիշեցնենք, որ ԱՄՆ-ն Հայաստանին արդեն 1,7 միլիոն դոլար է տրամադրել: