Արցախում նոր տիպի կորոնավիրուսով վարակվելու ևս մեկ դեպք է հաստատվել

Արցախում նոր տիպի կորոնավիրուսով վարակվելու ևս մեկ դեպք է հաստատվել: Ընդհանուր դեպքերի թիվը հասել է 7-ի: Այս մասին հայտնում են Արցախի Հանրապետության առողջապահության նախարարությունից:

Հաղորդագրության մեջ նշվում է, որ ապրիլի 21-ին թեստավորված 3 քաղաքացու հետազոտության արդյունքներն արդեն հայտնի են:

«Կրկնակի թեստավորվել էին Քարվաճառում օրեր առաջ նոր կորոնավիրուսի վարակով հաստատված երկու վարարակիրները, որոնցից մեկի մոտ թեստավորման արդյունքը եղել է բացասական:

Ըստ Առողջապահության համաշխարհային կազմակերպության ընթացակարգերի՝ եթե 24 ժամ հետո նշյալ քաղաքացու հետազոտության արդյունքները կրկին բացասական լինեն, ապա նա կհամարվի բուժված և բուժհաստատությունից դուրս կգրվի:

Երկրորդ քաղաքացու թեստավորման արդյունքը դեռևս դրական է, ինչը նշանակում է, որ նա շարունակելու է բուժման գործընթացը:

Երրորդ քաղաքացու թեստավորման արդյունքը ևս բացասական է, այսինքն՝ նրա մոտ կորոնավիրուսի վարակ չի հաստատվել», - ասված է հաղորդագրության մեջ:

Հիշեցնենք, որ առ այսօր Արցախում գրանցվել է նոր կորոնավիրուսի վարակի 7 դեպք, որից երկուսն արդեն բուժվել են: