29.03.2024
Անհրաժեշտ է վերադառնալ Ղարաբաղի շուրջ բանակցությունների եռակողմ ձևաչափին
prev Նախորդ նորություն

Նորություններ գործընկերներից

Բաքուն հնարավորություն չունի լայնածավալ պատերազմ վարելու Ղարաբաղի դեմ

Ադրբեջանը հնարավորություն չունի լայնածավալ պատերազմ մղելու Հայաստանի ու Լեռնային Ղարաբաղի դեմ: Իսկ ապշերոնյան հանրապետության մեծ ռազմական բյուջեն շատ դեպքերում «օճառի պղպջակ» է: Այդ մասին հայտարարել է ՀՀ պաշտպանության նախկին նախարար Վաղարշակ Հարությունյանը:

Նրա խոսքով, Բաքուն իրոք վերջին տարիներին միլիարդներ է ծախսել ռազմական նպատակներով, սակայն այդպես էլ չի կարողացել ռազմավարական գերակշռության հասնել: Պատճառը գումարների ոչ արդյունավետ օգտագործումն է, ինչպես նաև ղարաբաղյան ճակատից բացի Բաքուն ունի սպառնալիքներ Կասպից ծովում և Իրանի կողմից:

«Ադրբեջանն այսօր ստիպված է ռազմա-ծովային ուժեր պահել Կասպից ծովում, ինչը բավականին թանկ հաճույք է: Սխալ է կարծել, թե Բաքուն իր նավթադոլարները ծախսում է միայն ՀՀ-ի ու ԼՂՀ-ի սահմանների պաշտպանության համար»,-նշել է նախկին նախարարը:

Ինչ վերաբերվում է ուժերի ռազմավարական բալանսին, ապա, ըստ Հարությունյանի, Հայաստանի ու Ադրբեջանի միջև հավասարակշռությունը պահպանվում է: «Բանն այն է, որ Բաքուն ժամանանակից ռազմական տեխնիկան է գնում շուկայական գներով, ՀՀ-ը էլ դրանք ձեռք է բերում արտոնյալ գներով: Շատ կարևոր է նաև անձնակազմի բարոյահոգեբանական վիճակը և մարտական պատրաստվածությունը: Այդ բոլոր չափանիշներով հայկական զինված ուժերը գերազանցում են հակառակորդի բանակը»,-նշել է նա:

Վաղարշակ Հարությունյանը չի բացառել, որ Ադրբեջանը հետագայում ևս շարունակելու է շանտաժի և սպառնալիքների քաղաքականությունը հայկական կողմերի նկատմամբ: «Այդ գործողություններով Բաքուն իրեն փակուղի է մտցրել: Ակնհայտ է, որ հայկական կողմը ոչ մի զիջումների չի գնա: Տարածքային զիջումները երբեք չեն հանգեցնում պատերազմի դադարեցմանը, ինչի մասին են վկայում արաբա-իսրայելական պատերազմների փորձը»,-հավելել է նա:
Արամ Առաջին. Տկար Հայաստանը չի կարող ազգի իրավունքների պահանջատերը դառնալ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար