Ղազախստանի ԱԳՆ. Ղազախստանն ու Ադրբեջանը կամուրջ են Արևելքի և Արևմուտքի միջև

Ներկայումս Ադրբեջանի և Ղազախստանի միջև հարաբերությունները կարելի է բնութագրել որպես ամենաբարձր մակարդակով փոխշահավետ համագործակցություն:

Այս մասին Թուրքական խորհրդի ԱԳՆ ղեկավարների խորհրդի արտահերթ նիստից հետո լրագրողներին ասել է Ղազախստանի արտաքին գործերի նախարար Մուխտար Թլեուբերդին:

«Այդ համագործակցությունը հիմնված է երկու երկրների ղեկավարների միջև բարձր մակարդակով քաղաքական երկխոսության վրա: Բարձր մակարդակի վրա են գտնվում նաև միջխորհրդարանական կապերը», - ասել է Թլեուբերդին:

Նա նշել է, որ Ղազախստանն ու Ադրբեջանը կամուրջ են Արևելքի և Արևմուտքի, Եվրոպայի ու Ասիայի միջև: