Ամերիկացիների գրեթե կեսը կողմ է նախագահ Թրամփին իմփիչմենթ հայտարարելուն

Ամերիկացիների գրեթե կեսը կողմ է նախագահ Դոնալդ Թրամփին պաշտոնից հեռացնելու գաղափարին: Այս մասին են վկայում Gallup սոցիոլոգիական ծառայության հրապարակված հետազոտության տվյալները:

Ինչպես տեղեկացնում է ՏԱՍՍ-ը, մասնագետները նշում են, որ հարցվողների 45 տոկոսը պաշտպանում է ԱՄՆ Կոնգրեսի շատ դեմոկրատների առաջարկը՝ իմփիչմենթ հայտարարել նախագահին։ Ընդ որում՝ հարցվածների 53 տոկոսը կարծում է, որ Թրամփին պետք է հեռացնել այդ պաշտոնից։

Նշվում է, որ հարցման արդյունքներում նկատվում է կտրուկ տարբերություն կուսակցական հատկանիշով։ Հանրապետական կուսակցության կողմնակիցների միայն 7 տոկոսը է կողմ Թրամփին իմփիչմենթ հայտարարելուն: Այն դեպքում, երբ այդ գաղափարի կողմնեկիցները Դեմոկրատական կուսակցությում կազմում են 81 տոկոս։

Չնայած բնակչության մեծ մասը դեմ է դրան, Թրամփի իմփիչմենթի կողմնակիցների թիվն ավելի բարձր է, քան երկրի 42-րդ նախագահ Բիլ Քլինթոնի ցուցանիշը Մոնիկա Լեւինսկու հետ ամուսնական դավաճանության ֆոնին, եւ 37-րդ նախագահ Ռիչարդ Նիքսոնինը՝ Ուոթերգեյթի սկանդալի հետ կապված, հայտնում են Gallup –ի փորձագետները։

Ընդ որում՝ հետազոտողները տեղեկացրել են, որ Սպիտակ տան ներկայիս տիրոջ հանդեպ բարեհաճ է երկրի բնակչության ընդամենը 41 տոկոսը։

Հարցմանը, որն իրականացվել է հունիսի 19-30-ին, մասնակցել է 1018 չափահաս ամերիկացի։

Ավելի վաղ Հանրապետական կուսակցության առաջնորդները քանիցս հայտարարել էին, որ թույլ չեն տա իմփիչմենթ հայտարարել Թրամփին։