Թուրքիան դժգոհ է բելգիական դատարանի որոշումից

Թուրքիան երկրում Բելգիայի դեսպանին կանչել է ԱԳՆ, որպեսզի իր բողոքը հայտնի Բրյուսելի վերաքննիչ դատարանից, որը որոշել է, որ «Քրդական աշխատավորական կուսակցությունը» չի կարող ահաբեկչական կազմակերպություն համարվել՝ հայտնում է AP-ն։

Թուրքիայի ԱԳՆ պաշտոնական ներկայացուցիչը հայտարարել է, թե երկիրն «իր մտահոգությունն է հայտնել» դեսպան Միշել Մալխերբին։

Այդ որոշումը վերաբերում է այն գործին, թե իբր նշված կուսակցության անդամները հավաքագրել են երիտասարդ քրդերին Բելգիայում ու Եվրոպայում եւ ուղարկել նրանց ռազմական ուսումնական ճամբարներ։

Սակայն Բրյուսելի վերաքննիչ դատարանը վճռել է, որ «Քրդական աշխատավորական կուսակցությանը» ահաբեկչական հանցագործությունների մեջ մեղավոր ճանաչելու համար բավարար հանգամանքներ չկան։