Մշակվում է ԵԱՏՄ համար վճարային համակարգ ստեղծելու գաղափարը. Սարգսյան

Եվրասիական տնտեսական հանձնաժողովը մշակում է Եվրասիական տնտեսական միության համար վճարային համակարգ ստեղծելու գաղափարը: Այս մասին ԵԱՏՄ Բարձրագույն խորհրդի նիստի ավարտին հայտարարել է ԵՏՀ կոլեգիայի նախագահ Տիգրան Սարգսյանը:

Նրա խոսքով, վճարային համակարգի ձևավորումը և փոխադարձ վճարումների իրականացումն այսօր հանձնաժողովում քննարկվող նախաձեռնություններից մեկն է.

«Միության անդամ երկրների Կենտրոնական բանկերը մշակում են ընդհանուր ֆինանսական շուկա ստեղծելու հայեցակարգը: Այս թեմային ԵՏՀ-ն կրկին կանդրադառնա Կենտրոնական բանկերի աշխատանքի ավարտից հետո»,- ՏԱՍՍ հաղորդմամբ ասել է Տիգրան Սարգսյանը: