Հայաստանը բարելավել է դիրքը Doing Business-2019-ի աղյուսակում

Հայաստանն այս տարի բարելավել է իր դիքրերը 6 կետով և Doing Business-2019-ի վարկանիշային աղյուսակում զբաղեցրել 41-րդ տեղը: Այս մասին լրագրողների հետ հանդիպմանը հայտարարեց Համաշխարհային բանկի Երևանի գրասենյակի տնօրեն Սիլվի Բոսութղոն:

Ըստ այդմ, մեկ տարի առաջ Հայաստանը զբաղեցնում էր 47-րդ տեղը 190 երկրների շարքում։

Բանախոսը նշեց, որ Հայաստանը դյուրացրել է ընկերությունների հիմնումը՝ հնարավորություն տալով իրավաբանական անձանց գրանցման ժամանակ կամավոր կերպով գրանցվել որպես ավելացված արժեքի հարկ վճարող։ Այս ամենի արդյունքում այսօր մեկ օրով պակաս ժամանակ է պահանջվում Հայաստանում ընկերություն գրանցելու համար։

«Հարկային օրենսգրքի փոփոխության արդյունքում Հայաստանն այսօր լավագույն կատարողական դրսևորած երկրների թվում ութերորդն է ամբողջ աշխարհում», - ասաց նա։