Պուտինը չի քննարկել Փաշինյանի հետ ՀՀ կատարվելիք այցի հեռանկարները. Պեսկով

718

ՌԴ նախագահ Վլադիմիր Պուտինը Դուշանբեում կարճ զրույց է ունեցել ՀՀ վարչապետ Նիկոլ Փաշինյանի հետ: Միևնույն ժամանակ, Ռուսաստանի առաջնորդի Հայաստան այցի հեռանկարը չի քննարկվել:


Այս մասին լրագրողների հետ ճեպազրույցում հայտարարել է ՌԴ նախագահի խոսնակ Դմիտրի Պեսկովը:


«Նա կարճ զրույց է ունեցել Փաշինյանի հետ, հենց նոր: Պուտինը չի քննարկել Հայաստան կատարվելիք իր այցի հեռանկարները, խոսել են այլ՝  օպերատիվ, առկա գործերի մասին», — ՌԻԱ Նովոստիի հաղորդմամբ ասել է նա:


Ավելի վաղ ՌԴ նախագահի օգնական Յուրի Ուշակովը հայտարարել էր, որ Վլադիմիր Պուտինի պաշտոնական այցը Հայաստան քննարկվել է, բայց դժվար թե այն տեղի ունենա մինչև տարեվերջ, հավանաբար այն տեղի կունենա 2019-ին:



 


 


 

Տպել

Թեմայի այլ նորություններ
Загрузка...