Ռուսաստանի բանակը աշխարհի 2-րդ հզորագույն բանակն է.ՀՀ բանակը 93-րդն է

Համաձայն միջազգային Global Firepower ընկերության հետազոտության՝ Ռուսաստանի բանակը աշխարհի հզորագույն բանակների շարքում զբաղեցրել է 2-րդ տեղը: Ամենահզոր բանակ ունեցող երկիր է ճանաչվել ԱՄՆ-ն: Այս մասին հաղորդում է EADaily-ն:

Համաձայն հետազոտության, Ռուսաստանն ունի ամենահզոր ցամաքային զորքերը՝ առաջատար է ռազմական տանկերի քանակով:

Երրորդ տեղում Չինաստանի բանակն է: Առաջին տասնյակում են այնպիսի երկրներ, ինչպիսիք են Հնդկաստանը, Ֆրանսիան, Մեծ Բրիտանիան, Ճապոնիան, Թուրքիան, Գերմանիան և Եգիպտոսը:  

Ցանկում տեղ են գտել նաև մեր տարածաշրջանի երկրները, սակայն Հայաստանի բանակը, ըստ այդ ռեյտինգի, ամենաթույլն է: Այդպես, 133 երկրի բանակ ներառող հետազոտության համաձայն՝ Ադրբեջանի բանակը ցանկում 58-րդ տեղում է, Վրաստանինը 82-րդ տեղում, իսկ Հայաստանի զինված ուժերը միայն 93-րդ տեղն են զբաղեցնում:

Ինչ վերաբերում է տարածաշրջանի մյուս երկրներին, ապա Թուրքիայի բանակը աշխարհում ճանաչվել է 8-րդը, իսկ Իրանի բանակը զբաղեցրել է 21-րդ տեղը: