Ազգային Ժողովը կունենա նաև Հորդանանի հետ բարեկամական խումբ

ՀՀ ԱԺ արտաքին հարաբերությունների մշտական հանձնաժողովի նախագահ Արմեն Աշոտյանը հանձնաժողովի նիստում առաջարկ է հնչեցրել ստեղծել Հայաստան-Հորդանան խորհրդարանական բարեկամական խումբ:

Առաջարկն ընդունվել է: Նշենք, որ ԱԺ-ում այս պահին գործում է 58 բարեկամական խումբ:

Հանձնաժողովի անդամները քննարկել եւ հաստատել են «Ազգային ժողովի կանոնակարգ» ՀՀ սահմանադրական օրենքի 158-րդ հոդվածի 4-րդ մասի համաձայն ՀՀ Ազգային ժողովի վեցերորդ գումարման գործունեության ընթացքում խորհրդարանական բարեկամական խմբեր ստեղծելու մասին հարցը: