Պուտինի դիրքորոշումը Ասադի հանդեպ չի փոխվել. Կրեմլը՝ Էրդողանի հայտարարության մասին

364

Ռուսաստանի դիրքորոշումը Սիրիայի նախագահ Բաշար Ալ-Ասադի հանդեպ չի փոխվել. երկրի և նախագահի ապագան կարող է որոշել միայն սիրիացի ժողովուրդը: Ինչպես հաղորդում է RIA Novosti-ն, այս մասին հայտարարել է ՌԴ նախագահի մամուլի խոսնակ Դմիտրի Պեսկովը:


«Ինչ վերաբերում է Ասադին աջակցելուն, Ռուսաստանի և նախագահի դիրքորոշումը Բաշար Ասադի հարցում չի փոխվել, այն հետևողական է և լավ հայտնի»,-ասել է Պեսկովը լրագրողներին՝ մեկնաբանելով Թուրքիայի նախագահ Ռեջեփ Թայիփ Էրդողանի հայտարարությունն այն մասին, որ Կրեմլը պատրաստ է դադարել Ասադին աջակցելուց:


Պեսկովի խոսքով՝ ՌԴ նախագահ Վլադիմիր Պուտինը կարծում է, որ Սիրիայի ապագան չեն կարող որոշել ո՛չ Անկարայում, ո՛չ Վաշինգտոնում, ո՛չ Փարիզում, ո՛չ Մոսկվայում:


Ավելի վաղ Թուրքիայի նախագահ Ռեջեփ Թայիփ Էրդողանը հայտարարել է, որ Վլադիմիր Պուտինն իր հետ զրույցում ակնարկել է Բաշար Ասադին ուղղված ակտիվ աջակցությունը դադարեցնելու պատրաստակամության մասին:

Տպել

Թեմայի այլ նորություններ

ՌԴ ԿԲ-ն քննարկում է ԵԱՏՄ-ում միասնական կենսաչափական համակարգ ստեղծելու հարցը

ՌԴ ԿԲ-ն քննարկում է ԵԱՏՄ անդամ երկրների՝ Հայաստան, Ղազախստան, Բելառուս, Ղրղզստան եւ Ռուսաստան, միջեւ միասնական կենսաչափական համակարգ ստեղծելու հարցը: Այս մասին IOSCO կոմիտեի կոնֆերանսի ժամանակ հայտարարել է Ռուսաստանի Կենտրոնական բանկի նախագահի տեղակալ Սերգեյ Շվեցովը, հաղորդում է ՏԱՍՍ-ը:

19.09.2019
Загрузка...