ՊԵԿ-ը՝ ադրբեջանական խնձորի հետքերով

368

Որտեղի՞ց հայաստանյան շուկայում ադրբեջանական խնձոր, եթե ՍԱՊԾ-ն պնդում է, որ պաշտոնապես Հայաստան  ադրբեջանական մակնշմամբ արտադրանք չի ներմուծվել:


Քանի որ հարցը վերաբերում է մի շարք պատկան մարմինների գործունեության շրջանակում թույլ տրված բացթողումներին, ապա այսօր այս խնդրի առնչությամբ արձագանքեց նաև ՊԵԿ-ը.


«Տեղական շուկայի տարբեր վաճառակետերում ադրբեջանական արկղերով խնձորի հայտնվելու վերաբերյալ ՊԵԿ-ն անհրաժեշտ է համարում պարզաբանել.


Խնձորի մաքսանենգության փաստի վերաբերյալ տեղեկատվություն այս պահին առկա չէ: ՀՀ օրենսդրությամբ հանրապետության տարածք անձնական օգտագործման համար թույլատրված քանակով (մինչև 50 կգ) խնձորի և այլ պտուղ-բանջարեղենի ներկրումն անգամ իրականացվում է խիստ հսկողության տակ: ՊԵԿ-ը նախաձեռնել է օպերատիվ-հետախուզական միջոցառումներ՝ դեպքի մանրամասները ճշտելու նպատակով»:


Ինչպես ավելի վաղ VERELQ-ը գրել էր՝ թեև ՍԱՊԾ երեկ տարածած հաղորդագրության մեջ տեղեկացրել էր, որ ադրբեջանական խնձորի խմբաքանակ է ոչնչացվել, բայց սննդի անվտանգության փորձագետ Դավիթ Պիպոյանն այսօր շրջայց է կատարել երևանյան վաճառակետերում ու շուկաներում և հայտնաբերել ու գնել է ադրբեջանական խնձորը: Այսինքն՝ դրա վաճառքը դեռ շարունակվում է:

Տպել

Թեմայի այլ նորություններ
Загрузка...