ԱՄՆ Վայոմինգ նահանգը ճանաչել է Հայոց Ցեղասպանությունը

ԱՄՆ Վայոմինգ նահանգի նահանգապետ Մեթյու Միդը նամակով դիմել է Հայ դատի Ամերիկայի հանձնախմբին, որտեղ հայտարարել է Հայոց ցեղասպանությունը ճանաչելու մասին` բարձր գնահատելով Ամերիկայի հայերի ջանքերը: 

Նրա խոսքով` հայկական ու հրեական հոլոքստների գազանություններն աննկարագրելի են, սակայն կարեւոր է հիշել, որ պատմությունը չպետք է կրկնվի: Նահանգապետը նշել է, որ մտովի կլինի նրանց հետ, ովքեր ապրիլի 23-ին ներկա կլինեն Կապիտոլիումում Հայոց ցեղասպանության հիշատակի միջոցառումներին:

Այսպիսով, Վայոմինգը դարձավ ԱՄՆ թվով 45-րդ նահանգը, որ ճանաչեց Հայոց Ցեղասպանությունը:

Հայ դատի Ամերիկայի հանձնաժմբի արեւմտյան թեւի նախագահը երախտագիտություն է հայտնել նահանգապետին` Հայոց ցեղասպանությունը ճանաչելու ու հիշելու անհրաժեշտության խոսքի համար:

Հիշեցնենք, ավելի վաղ Միացյալ Նահանգների Կոնգրեսի ավելի քան 80 անդամներ կոչ են արել նախագահ Դոնալդ Թրամփին ճանաչել Հայոց ցեղասպանությունը: