Քաղաքագետ. Իսրայելն ու Ադրբեջանը կառուցում են փոխշահավետ հարաբերություններ

Ադրբեջանն մահմեդական այն սակավաթիվ երկրներից է՝ բացառությամբ Թուրքիայի, Եգիպտոսի, Հորդանանի ու մի շարք Կենտրոնական Ասիայի երկրների, որն երկկողմ զարգացած քաղաքական և տնտեսական հարաբերություններ ունի Իսրայելի հետ։ Այդ մասին sputnik.az–ի հետ զրույցում հայտարարել է քաղաքագետ Յուրի Բոչարովը։

Նա նշել է, որ Իսրայելի ու Արդբեջանի միջև զարգանում է ռազմա–տեխնիկական համագործակցությունը` ռազմական մատակարարումների ծավալը հասնում է մի քանի միլիարդ դոլարի ու հավասարազոր է Ադրբեջանի կողմից Իսրայելին նավթի առաքումներին։

Նրա խոսքով, վերջին շրջանում ադրբեջանական նավթը ծածկում է Իսրայելի ներքին պահանջարկի ավելի քան 1/3–րդը։

«Հնարավոր է, որևէ մեկն ասի, որ մեր հարաբերությունները միակողմանի են` նավթ զենքի դիմաց, սակայն դրանք փոխշահավետ են»,–նշել է նա։

Նրա խոսքով, Իսրայելում բնակվում է ծնունդով Ադրբեջանից 100.000-ոց համայնքը, որի շատ ներկայացուցիչներ ակտիվ դերակատարում ունեն Իսրայելի քաղաքականության ու տնտեսության մեջ։