Կոչ Թրամփին` ճանաչել հայ քրիստոնյաների և եզդիների ցեղասպանությունը Սիրիայում և Իրաքում

Ամերիկյան իրավապաշտպան «Ի պաշտպանություն քրիստոնյաների (In Defense of Christians/IDC) կազմակերպությունը կոչ է արել ԱՄՆ նախագահ Դոնալդ Թրամփին ճանաչել հայ քրիստոնյաների և եզդիների ցեղասպանությունը Սիրիայում և Իրաքում:

Voice of America-ից տեղեկացնում են, որ կոչի մեջ մասնավորապես նշվում է, որ որպես այդ երկրներում շարունակվող ցեղասպանության զոհեր՝ եզդիներն ու քրիստոնյաները, մասնավորապես՝ ազգությամբ հայերը, պետք է արտոնություններ ստանան ԱՄՆ մուտքի թույլտվությունների համար:

«Այդ միջոցառումներն անհրաժեշտություն են, քանի որ ԴԱԻՇ-ի վերահսկողության տակ գտնվող այդ գոտիներում քրիստոնյաները ենթարկվում են լիակատար ոչնչացման ռիսկի»,- ասված է հորդորի տեքստում: