ԵՄ-ն չեղարկել է պատժամիջոցներն իրանական խոշորագույն ընկերությունների համար

Եվրամիությունը չեղարկել է պատժամիջոցները իրանական չորս խոշորագույն ընկերությունների նկատմամբ, որոնք կապված են նավթագազային ոլորտի հետ։ Այս մասին հաղորդում է IRNA գործակալությունը։

Տեղեկատվության համաձայն՝ դրանց թվում են Iran Oil Pension Fund Investment Company (OPIC) կենսթոշակային հիմնադրամը, Petropars Operation and Management Company (POMC) նավթային ընկերությունը, Petropars Resources and Engineering Company (PRE) և Iran Liquefied Natural Gas Company (Iran LNG) կորպորացիցաները։

Գործակալության փոխանցմամբ՝ OPIC ընկերությունը ֆունդամենտալ դեր է խաղում իրանական նավթային արդյունաբերությունում ներդրումային նախագծերի ֆինանսավորման հարցում։