Թուրքիայի խորհրդարանը հավանություն է տվել նախագահական կառավարման մոդելին անցնելու օրինագծին

259
Թուրքիան եւս մի քայլ է կատարել խորհրդարանական կառավարման ձեւից նախագահականի անցնելու ճանապարհին։ Երկրի խորհրդարանն առաջին ընթերցմամբ ընդունել է համապատասխան փոփոխությունների օրինագիծը, հայտնում է «ՌԻԱ Նովոստի»–ն։

Ավելի վաղ Սահմանադրական փոփոխությունների նախագիծը խորհրդարանի քննարկմանն էր դրել իշխող Արդարություն եւ զարգացում կուսակցությունը։ Փոփոխություններով նախագահ Ռեջեփ Թայիփ Էրդողանը անձնական հսկողություն է ստանում Թուրքիայի ԶՈւ գլխավոր շտաբի եւ հետախուզության նկատմամբ։ Այսօրվա դրությամբ դրանք ենթարկվում են վարչապետին։

Բացի այդ, փոփոխությունների վերջնական ընդունման դեպքում Էրդողանն իրավունք է ստանում հրամաններ տալ, նշանակել նախարարների եւ հանրաքվեի դնել սահմանադրական փոփոխությունների մասին հարցերը։

Նշենք, որ Թուրքիայի Հանրապետությունում խորհրդարանական կառավարման ձեւը գործում էր 1923 թվականից։

Տպել

Թեմայի այլ նորություններ
Загрузка...