Եղիազար Վարդանյանը նշանակվեց Քաղաքաշինության կոմիտեի նախագահ

Հայաստանի Հանրապետության կառավարության մարտի 21-ի նիստում որոշում է կայացվել Եղիազար Վարդանյանին քաղաքաշինության կոմիտեի նախագահ նշանակելու մասին:

Եղիազար Վարդանյանն արդեն ավելի քան երկու տարի զբաղեցնում է Ճարտարապետության և շինարարության Հայաստանի ազգային համալսարանի ռեկտորի պաշտոնը:

Այս որոշումը կայացվել է Քաղաքաշինության կոմիտեի նախկին նախագահ Արմեն Ղուլարյանին այս տարվա սկզբին աշխատանքից ազատելուց հետո:

Ղուլարյանի պաշտոնանկությունը տեղի է ունեցել վարչապետ Նիկոլ Փաշինյանի՝ մարզեր կատարած այցերի և կառուցվող դպրոցների ու մանկապարտեզների որակի վերաբերյալ հանրության բազմաթիվ բողոքների համատեքստում: