Սերժ Սարգսյանը շնորհավորական ուղերձ է հղել Վլադիմիր Պուտինին

ՀՀ երրորդ նախագահ, ՀՀԿ նախագահ Սերժ Սարգսյանը շնորհավորական ուղերձ է հղել Վլադիմիր Պուտինին` ՌԴ նախագահի ընտրություններում համոզիչ հաղթանակի առթիվ:

Նա մաղթել է Պուտինին քաջառողջություն, երջանկություն և նորանոր հաջողություններ պատասխանատու պետական պաշտոնում, իսկ Ռուսաստանի եղբայրական ժողովրդին՝ խաղաղություն, կայունություն և բարօրություն:

VERELQ-ը հիշեցնում է, որ այս պահի դրությամբ ՀՀ իշխանություններից որևէ մեկը՝ ո՛ վարչապետ Նիկոլ Փաշինյանը, ո՛չ նախագահ Վահագն Խաչատուրյանը Վլադիմիր Պուտինին չեն շնորհավորել: ԵԱՏՄ և ՀԱՊԿ անդամ բոլոր պետությունների առաջնորդները, այլ պետությունների ղեկավարներ հղել են իրենց շնորհավորանքները Պուտինին, սակայն ռազմավարական դաշնակից հանդիսացող Հայաստանի ղեկավարները՝ ոչ: