Թրամփը քննադատել է Քլինթոնի կողմնակիցների պահվածքը

ԱՄՆ նորընտիր նախագահ Դոնալդ Թրամփը կարծում է, որ իր կողմնակիցները խիստ քննադատության կենթարկվեին, եթե պարտության դեպքում այնպիսի պահվածք դրսեւորեին, ինչպիսին հիմա դրսեւորում են Հիլարի Քլինթոնի կողմնակիցները:

«Եթե իմ կողմնակիցները ելույթներ ունենային եւ սպառնային մարդկանց, ինչպես հիմա անում են նրանք, ովքեր պարտվել են ընտրություններում, բոլորը կատեին նրանց եւ սարսափելի հայհոյանքներ կտեղային»,- Twitter-ում գրել է Թրամփը:

Հանրապետական Դոնալդ Թրամփը նոյեմբերի 8-ին կայացած նախագահական ընտրություններում հաղթեց՝ առաջ անցնելով իր գլխավոր մրցակից Հիլարի Քլինթոնից: Նախագահի դեմոկրատ թեկնածուն եւ գործող նախագահ Բարաք Օբաման ճանաչեցին քվեարկության արդյունքները, սակայն հայտարարեցին ընտրություններին «ռուսաստանցի հաքերների» միջամտության մասին, որոնք, իբր, օգնել են Թրամփին:

Թրամփն իր հերթին Ռուսաստանի կողմից օգնության մասին հայտարարությունները «ծիծաղելի» է կոչել: