«Վրացական երազանքը» 115 տեղ կունենա խորհրդարանում

Վրաստանի խորհրդարանի 150 տեղից 115-ը կզբաղեցնի «Վրացական երազանք» կուսակցությունը հոկտեմբերին կայացած խորհրդարանական ընտրությունների արդյունքում: Այդ են վկայում ընտրությունների վերջնական արդյունքները, որոնք նոյեմբերի 16-ին հրապարակել և հաստատել է երկրի ԿԸՀ-ն:

150 պատգամավորից 77-ն ընտրվել է կուսակցական ցուցակներով: «Վրացական երազանքը» կուսակցական ցուցակներով 44 տեղ է ստացել, «Միասնական ազգային շարժումը»` 27, «Վրաստանի հայրենասերների ալյանսը»` 6, հայտնում է ՏԱՍՍ-ը:

Եվս 73 պատգամավոր է ընտրվել միամանդատ շրջաններում` «Վրացական երազանքի» թեկնածուները հաղթել են բոլոր ընտրաշրջաններում, բացառությամբ երկուսի: