Արցախի դատախազությունում բաժին է լուծարվել

Արցախի դատախազության սեփականության դեմ ուղղված հանցագործությունների գործերով բաժինը լուծարվել է։ Այս մասին հայտնում են Արցախի Գլխավոր դատախազությունից։

«ԱՀ դատախազության սահմանադրական գործառույթների արդյունավետությունը բարձրացնելու, դատախազության բնականոն գործունեության առավել օպտիմալ կառավարման նպատակով աշխատանքի հավասարաչափ բաշխում կատարելու անհրաժեշտությունից ելնելով և հաշվի առնելով բավարար ծանրաբեռնվածության բացակայության հանգամանքը, ԱՀ գլխավոր դատախազի պաշտոնակատար Կարեն Գաբրիելյանը 22.04.2023թ. հրաման է ստորագրել գլխավոր դատախազության սեփականության դեմ ուղղված հանցագործությունների գործերով բաժինը լուծարելու մասին»,- ասվում է հաղորդագրությունում: