Գորիսի բժշկական կենտրոն է դիմել ազգությամբ ռուս երկու զինծառայող. պարզաբանում

Ի պատասխան ԶԼՄ-ների հարցումների՝ Սյունիքի մարզպետարանից հայտնում են՝ մարտի 21-ի երեկոյան Սյունիքի մարզպետարանի ենթակայության Գորիսի բժշկական կենտրոն է դիմել ազգությամբ ռուս երկու զինծառայող՝ գլխի շրջանում թեթև մարմնական վնասվածքներով (ոչ հրազենային)։

Նրանք տեղում ստացել են առաջին բուժօգնություն ու անմիջապես դուրս գրվել հիվանդանոցից։

Հիշեցնենք՝ տելեգրամյան ալիքներում երեկվանից լուրեր էին շրջանառվում, որ ռուս զինծառայողները ստացել են ծանր հրազենային վիրավորում: Հաղորդվում էր նաև, որ զինծառայողներից մեկը մահացել է: