Վրաստանում մեծամասնական ընտրությունների երկրորդ փուլը տեղի կունենա հոկտեմբերի 30-ին

Վրաստանի Կենտրոնական ընտրական հանձնաժողովը սահմանել է ընտրական երկրորդ փուլի անցկացման և կրկնակի քվեարկության հնարավոր ամսաթվերը։

Հոկտեմբերի 30-ին ընտրական երկրորդ փուլ կանցկացվի 73 միամանադատ ընտրատարածքներից 50-ում, որտեղ ոչ մի թեկնածու չի հավաքել 50 տոկոսից ավելի ձայն։

23 ընտրատարածքներում հաղթանակը բաժին էր հասել իշխող կուսակցությանը։

Ինչ վերաբերում է կրկնակի քվեարկությանը, այն տեղի կունենա հոկտեմբերի 22-ին 4 ընտրատեղամասերում։ Վրաստանի քաղաքացիները 9-րդ գումարման պատգամավորներ էին ընտրել հոկտեմբերի 8-ին։