Կարեն Կարապետյանը նպատակ չունի ձերբազատվել Հովիկ Աբրահամյանի կադրերից

ՀՀ նորանշանակ վարչապետ Կարեն Կարապետյանն այսօր լրագրողներին ասել է, որ նպատակ չի հետապնդում ձերբազատվել Հովիկ Աբրահամյանի կադրերից:

Նրա խոսքով, նման խնդիր դրված չէ և եթե ինչ-որ մեկը աշխատանքից ազատվում է, ապա դա արվում է կոնկրետ խնդիրների լուծման նպատակով:

«Միակ չափորոշիչը՝ պրոֆեսիոնալիզմն է»,- նշել է նա:

Կարեն Կարապետյանը չի բացառել նաև, որ նոր Կառավարության կազմում լինեն նաև ընդդիմադիրներ, եթե «լինեն լավ մասնագետներ»:

Հիշեցնենք, Կարեն Կարապետյանն արդեն աշխատանքից ազատել է վարչապետի օգնականների և խորհրդականների, իսկ նախօրեին հայտնի դարձավ, որ իրենց պաշտոններին չեն վերանշանակվել Գագիկ Բեգլարյանը, Գագիկ Խաչատրյանը Լևոն Յոլյանը:

Վարչապետը հավաստիացրել է, որ թեև պահպանվելու է Հակակոռուպցիոն հանձնաժողովը, բայց ընդունվելու և կիրառվելու են այլ մեթոդներ կոռուպցիայի դեմ պայքարում: