Կառավարությունը նոյեմբերի 28-ի նիստում հաստատեց երկու կարևոր պաշտոնի նշանակում։ Քննչական կոմիտեի նախագահ դարձավ Արթուր Պողոսյանը, ով մինչ այդ զբաղեցնում էր գլխավոր դատախազի տեղակալի պաշտոնը։ Նախկինում նա ղեկավարել է նաև ԱԱԾ քննչական դեպարտամենտը։ Պետական եկամուտների կոմիտեի նախագահի պաշտոնում հաստատվեց Էդուարդ Հակոբյանը, ով 2022 թվականի դեկտեմբերից աշխատում էր որպես ֆինանսների փոխնախարար։ Հակոբյանը 2013 թվականից տարբեր պաշտոններ է զբաղեցրել ֆինանսների նախարարությունում։ Նշենք, որ այս նշանակումները տեղի են ունեցել նոյեմբերի 18-ին վարչապետ Նիկոլ Փաշինյանի խնդրանքով հրաժարական ներկայացրած Արգիշտի Քյարամյանի և Ռուստամ Բադասյանի փոխարեն, ովքեր համապատասխանաբար ղեկավարում էին ՔԿ-ն և ՊԵԿ-ը։ Այդ օրը պաշտոնից հեռացել էր նաև ևս չորս պաշտոնյա։
