Դեկտեմբերի 1-ից միայն պատվաստված քաղաքացիները կկարողանա՞ն մուտք գործել ռեստորաններ

Չի բացառվում, որ դեկտեմբերի 1-ից մշակութային հաստատություններ, ռեստորաններ քաղաքացիների մուտքը հնարավոր լինի միայն կորոնավիրուսի դեմ պատվաստված լինելու դեպքում: Այդ մասին հայտարարել է ՀՀ առողջապահության նախարար Անահիտ Ավանեսյանը կառավարության նիստից հետո լրագրողների հետ ճեպազրույցում:

«Նոյեմբերի 4-ից շրջանառվելու է առողջապահության նախարարի հրամանի փոփոխության նախագիծ, որում ներառված է նաև մշակութային հաստատություններ և ռեստորաններ քաղաքացիների մուտքը միայն պատվաստված լինելու դեպքում թույլատրելու առաջարկը», - ասել է նախարարը՝ տեղեկացնելով, որ առաջարկվող նախագիծը քննարկվելու է միջգերատեսչական հանձնաժողովի նիստում: