Ռուս խաղաղապահներն ապահովել են ավելի քան 200 ավտոմեքենաների անվտանգ տեղաշարժը
Ռուսական խաղաղապահ զորակազմի զինծառայողները բոլոր 27 դիտակետերում շարունակում են շուրջօրյա ապահովել ավտոմոբիլային տրանսպորտի եւ մարդկանց անվտանգ մուտքն ու ելքը Լեռնային Ղարաբաղ:
Ինչպես հաղորդում է Ռուսաստանի ՊՆ մամուլի ծառայությունը, ընթացիկ շաբաթվա ընթացքում Լաչինի միջանցքով դեպի Լեռնային Ղարաբաղ եւ հակառակ ուղղությամբ ռուս խաղաղապահները ապահովել են ավելի քան 200 միավոր տրանզիտային ավտոտրանսպորտի եւ շուրջ 1000 մարդու անվտանգ տեղաշարժ:
«Դիտորդական առաքելության անձնակազմը շուրջօրյա հսկողություն է իրականացնում իրենց պատասխանատվության գոտում հրադադարի ռեժիմի պահպանման նկատմամբ։ Զինծառայողներն ապահովում են տարանցիկ ավտոտրանսպորտային միջոցի անվտանգ անցումը հսկիչ-անցագրային կետի միջոցով: Հնարավոր սադրանքները կանխելու նպատակով զննության են ենթակա բոլոր ավտոտրանսպորտային միջոցները, իսկ անհրաժեշտության դեպքում իրականացվում է դրանց զննումը, որոնք տեղափոխվում են երկու կողմեր։ Նաեւ սահմանված օրերին անցակետով անցնում են ավտոմոբիլային շարասյուներ՝ շինարարական նյութով՝ Ռուսաստանի խաղաղապահ զորախմբի ռազմական ոստիկանության ստորաբաժանումների ուղեկցությամբ», - ասել է ռուսական խաղաղապահ զորախմբի ներկայացուցիչ Եվգենի Միշինը:
Ընթացիկ իրավիճակը վերահսկելու համար բոլոր դիտակետերը հագեցած են տեսահսկման ժամանակակից փողոցային գմբեթավոր տեսախցիկներով:
Ծառայության ընթացքում խաղաղապահ զորակազմի ռուս զինծառայողները հանդերձված են «Ռատնիկ» կոստյումներով: Դիտակետերը հագեցած են ժամանակակից լուսադիոդային լուսարձակներով և Անխափան սնուցման աղբյուրներով:
Ռուսաստանի խաղաղապահ ուժերի քսանյոթ դիտակետերը տեղակայված են Լաչինի միջանցքում եւ Լեռնային Ղարաբաղում սահմանազատման գծի ողջ երկայնքով: Ռուս խաղաղապահներն ապահովում են իրադրության շուրջօրյա մոնիթորինգ եւ հրադադարի ռեժիմի պահպանման վերահսկողություն:
***
Ռուսաստանի Դաշնության Նախագահի, Ադրբեջանի Հանրապետության նախագահի եւ Հայաստանի Հանրապետության վարչապետի համատեղ հայտարարության մեջ նշված պայմանավորվածությունների համաձայն, 2020 թվականի նոյեմբերի 10-ին Մոսկվայի ժամանակով 00:00-ից հայտարարվել է Լեռնային Ղարաբաղում կրակի եւ բոլոր ռազմական գործողությունների լիակատար դադարեցում:
Լեռնային Ղարաբաղում կրակի դադարեցման եւ ռազմական գործողությունների վերահսկման համար տեղակայված է Ռուսաստանի Դաշնության խաղաղապահ զորախումբը:
