Քոչարյան. Ադրբեջանը վաղ թե ուշ օկուպացված տարածքները կվերադարձնի Ղարաբաղին

Կառավարության այսպրվա նիստից հետո ՀՀ փոխարտգործնախարար Շավարշ Քոչարյանը, անդրադառնալով ապրիլյան պատերազմի ընթացքում 800 հա տարածքային կորուստին վստահություն է հայտնել, որ վաղ թե ուշ Ադրբեջանը այդ տարածքը կվերադարձնի ԼՂՀ-ին:

«Լեռնային Ղարաբաղի օկուպացված տարածքները վաղ թե ուշ պետք է վերադարձվեն դրա կազմ»,- ասել է ՀՀ փոխարտգործնախարարը:

Նրա խոսքով, Ադրբեջանն օկուպացրել է Մարտունու ու Մարտակերտի շրջանները, որոնք, ընդ որում չափերով, շատ ավելի մեծ են:

«Եվ վաղ թե ուշ այդ տարածքները կվերադարձվեն Լեռնային Ղարաբաղին»,- վստահեցրել է Շավարշ Քոչարյանը: