29.03.2024
Աբսուրդային հրաման, թե՞ օրվա հրամայական. ինչ է լինելու 65-ից բարձր մանկավարժների հետ
prev Նախորդ նորություն

Նորություններ գործընկերներից

Ինչո՞ւ է Մանկական քաղցկեղի և արյան հիվանդությունների կենտրոնի ղեկավարը ազատման դիմում գրել

Հայաստանի մանկական քաղցկեղի և արյան հիվանդությունների կենտրոնի ղեկավար Գևորգ Թամամյանը ազատման դիմում է գրել: Այս մասին նա հայտնել է Facebook-ի իր էջում՝ ներկայացնելով նաև որոշման պատճառը:


«Ուզում են տեղեկացնել, որ քիչ առաջ ներկայացրել եմ ազատման դիմում Հայաստանի մանկական քաղցկեղի և արյան հիվանդությունների կենտրոնի ղեկավարի պաշտոնից և Արյունաբանական կենտրոնում որպես մանկական ուռուցքաբան-արյունաբան հետագա աշխատանքից:


Որոշմանս պատճառ է հանդիսացել այն, որ ՀՀ առողջապահության նախարարությունը որոշել է սույն թվականի հոկտեմբերի 1-ից լուծել բժիշկ Սամվել Դանիելյանի պայմանագիրը որպես պրոֆ. Ռ.Հ. Յոլյանի անվան Արյունաբանական կենտրոնի տնօրեն:


Հպարտ եմ և երջանիկ, որ ինձ կարող եմ համարել բժիշկ Դանիելյանի աշակերտը, ում օրինակով տարիներ առաջ ընտրեցի մանկական ուռուցքաբան-արյունաբանի մասնագիտությունը: Երբ 2018թ-ին բժիշկ Դանիելյանը հետ վերադարձավ Հայաստան և նշանակվեց Արյունաբանական կենտրոնի տնօրեն, համարել և համարում եմ այդ նշանակումը հեղափոխության լավագույն ձեռքբերումներից մեկը, ինչը նաև թույլ տվեց համախմբել և միավորել ամբողջ ոլորտը: Վերջին երկու տարիների ընթացքում ահռելի աշխատանք կատարվեց արյունաբանության և մանկական ուռուցքաբանության բնագավառում և համոզված կարող եմ ասել, որ այդ զարգացումն այլևս անշրջելի է:

Շնորհակալ եմ բոլոր նրանց, ովքեր նպաստեցին և մաս կազմեցին այս զարգացմանը, իսկ Հայաստանի մանկական քաղցկեղի և արյան հիվանդությունների կենտրոնի ամբողջ թիմին կխնդրեմ նույն կերպ շարունակեն այն բոլոր զարգացման ծրագրերը, որոնք նպաստելու են ևս մեկ երեխայի առողջացման»,- ասված է հայտարարության մեջ։


VERELQ-ը հիշեցնում է, որ Թամամյանն ու առողջապահության նախարար Արսեն Թորոսյանն ունեն լարված հարաբերություններ: Մեկ տարի առաջ Թամամյանը հրաժարվել էր նախարար Թորոսյանի՝ ուռուցքաբանության գծով խորհրդականի պաշտոնից, ինչպես նաև պարբերաբար քննադատում էր նախարարին՝ անվանելով վերջինիս պոպուլիստ ու մարդու, ում չի հետաքրքրում քաղցկեղով հիվանդը:


 

Վերագործարկվել են Երևանի Հանրապետության հրապարակի շատրվանները
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար