Հայաստանը և ՌԴ-ն պաշտպանական ոլորտում նոր համաձայանագիր են ստորագրել

Օգոստոսի 23-ին «Պատրիոտ» ռազմահայրենասիրական այգու հարթակում ՀՀ պաշտպանության նախարարության և «Ռոստեխ» պետական կորպորացիայի կազմում գտնվող Միացյալ ավիաշինական կորպորացիայի («ՕԱԿ» ՀԲԸ) միջև տեղի է ունեցել նոր համաձայնագրի ստորագրում:

ՌԴ-ում ՀՀ դեսպանության մամուլի ծառայությունը տեղեկացնում է, որ ստորագրմանը ներկա են եղել ՀՀ պաշտպանության նախարար Դավիթ Տոնոյանը և ՌԴ-ում ՀՀ դեսպան Վարդան Տողանյանը:

Հաղորդվում է, որ համաձայնագրի շրջանակներում Հայաստանի զինված ուժերի սպառազինության մեջ գտնվող Սու-25-ի չորս գրոհային ինքնաթիռներն արդիականացվելու են Ռուսաստանում: