Թիվը չի ավելացել. Հայաստանում նոր կորոնավիրուսով վարակվելու դեպքերի թիվը 194 է

Մարտի 23-ին, ժամը 10:00-ի դրությամբ Հայաստանում նոր կորոնավիրուսով վարակվելու դեպքերի թիվը 194 է: Այս մասին տեղեկանում ենք Հայկական միասնական տեղեկատվական կենտրոնից:

Ապաքինվել է 2 անձ:

Առողջապահության նախարար Արսեն Թորոսյանը նախօրեին Facebook-ի ուղիղ եթերում ներկայացրեց պացիենտների առողջական վիճակի մասին տվյալներ: Այդպես, մեծ մասի առողջական վիճակը բավարար է, լուրջ առողջական խնդիրներ չունեն։ Նրանցից միայն 14-ի մոտ կա թոքաբորբ, 6-ն ունեն ինտենսիվ թերապիայի կարիք, գտնվում են «Նորքի» ինֆեկցիոն հիվանդանոցի մասնագետների հսկողության տակ, ստանում են համապատասխան բուժում, թթվածին: Թոքերի արհեստական շնչառություն նրանց չի արվում: