Ադրբեջանական ԶՈւ-ի կրակից հայ զինծառայող է վիրավորվել. Արծրուն Հովհաննիսյան

Փետրվարի 23-ին ադրբեջանական ԶՈւ-ի կրակից հայաստանցի զինծառայող է վիրավորվել: Այս մասին Facebook-յան իր էջում գրում է Պաշտպանության նախարարի մամուլի քարտուղար Արծրուն Հովհաննիսյանը:

«Երեկ ադրբեջանական ԶՈւ-երի ստորաբաժանումները կրակ են բացել ՀՀ ԶՈւ-երի ստորաբաժանումների մարտական դիրքերի ուղղությամբ: Կրակից վիրավորվել է հայ զինծառայող, վիրավորումը թեթև է, նրա կյանքին վտանգ չի սպառնում: Հայկական ԶՈւ-երի ստորաբաժանումների պատասխան կրակից հետո ադրբեջանական կրակը դադարել է», - ասված է Արծրուն Հովհաննիսյանի գրառման մեջ: